Cristiano Ronaldo vuajti shumë për të gjetur golin e parë në Serie A me Juventusin dhe tashmë ka një kërkesë për drejtuesit. Sipas mediave spanjolle, “ylli” portugez po u bën presion drejtuesve bardhezi për të bërë të mundur ribashkimin me ish-shokun e skuadrës te Reali i Madridit, aktualisht pjesë e Bayern Mynich.
CR7 ka pasur shoqëri me kolumbianin në Madrid dhe e ka shprehur hapur pakënaqësinë asokohe në drejtim të drejtuesve të Realit, të cilët lejuan largimin e tij drejt Bundesligës. Ronaldo dëshiron të luajë sërish në të njëjtën skuadër me Jamesin, ndaj po ndikon që Juventusi të luajë të gjitha kartat për ta sjellë në “Allianz Stadium” nga bavarezët.
Por nga ana tjetër është Bayern Munich ai që ka rënë dakord me Real Madridin që ta blejë përfundimisht mesfushorin kolumbian dhe për këtë arsye situata ndërlikohet më shumë. Por ka edhe disa zëra që pas largimit të Zidane nga drejtimi i Real Madridit, James është i interesuar që të rikthehet atje.
