James Rodriguez ka fituar dashurinë e bavarezëve, Kimmich shihet si lider

Bayern Munich është duke kaluar një formë fantastike, pasi në pankinë erdhi trajneri Jup Heynckes. Bavarezët e shohin veten në këtë fillim sezoni në vendin e parë me 11 pikë më shumë se ndjekësi më i afërt. Por jo vetëm kaq, ata arritën të eliminojnë Kupa e Gjermanisë edhe rivalin më të fortë Dortmundin. “Bild” një ditë më parë kishte hapur një sondazh për të zbuluar lojtarin më të mirë të vitit, transferimin m të goditur dhe i riu më i suksesshëm tek bavarezët.

LOJTARI I VITIT- Për tifozët bavarezë, të cilët kanë votuar në këtë sondazh, pasuesi i ish-kapitenit Filip Lahm, Xhoshua Kimish, është përzgjedhur si lojtari më i mirë i këtij sezoni me fanellën e Bajernit. 35 për qind të tifozëve kanë votuar mbrojtësin, i cili ka tejkaluar edhe bomberin polak në këtë kategori me dyfishin e votave që ka marrë (17%).

BLERJA MË E MIRË- James Rodrigez erdhi nga skuadra e Realit të Madridit gjatë verës së kaluar, por fillimet e tij me fanellën bavareze kanë qenë mjaft të vështira. Megjithatë, me rikthimin e Jup Hejnkesit, mesfushori kolumbian ka arritur të shkëlqejë dhe është përzgjedhur si blerja më e mirë e vitit nga tifozët me 49 për qind të votave.

I RIU MË I SUKSESSHËM- Për tifozët e rekordmenëve gjermanë, i riu më i suksesshëm i këtij viti ka qenë mesfushori francez, Kingsli Koman, i cili është votuar nga 46 për qind të tifozëve. Koman ka arritur të shkëlqejë në formacionin bavarez nën drejtimin e teknikut Hejnkes.