Skënderbeu është rikthyer tek fitorja dhe këtë e ka bërë atëherë kur duhet, në ndeshjen e Kupës përballë Teutës në Durrës. U luajt çerekfinalja dhe protagonist kryesorë në këtë sfidë u bë James Adeneyi, me dopietën që vendosi fatin e takimit. Me dy gola diferencë korçarët do ta kenë mjaft të lehtë ndeshjen e kthimit, ku do t’iu duhet vetëm të administrojnë rezultatin dhe të presin emrin me të cilin do të përballen në gjysmëfinale.
Teuta-Skënderbeu 0-2
Golat: Xhejms 35’, 76’
Teuta: Moçka, Gjeorgjievski, A.Bilali, Hrkac, Alhasan, Mustafov (Shehi 85’), Hila, Beqja (Peqini 78’), Çyrbja, Karimi (De Marki 48’), Amadu. Trajner: Stavri Nica
Skënderbeu: Shehi, Vangjeli (Dita 76’), Aliti, Jashanica, Mici, Osmani, Nimaga (Krasniqi 87’), Lilaj, Gavazaj, Vila, Xhejms (Gripshi 79’). Trajner: Ilir Daja.
Gjyqtar: Ardian Beqiri
Kartonë të verdhë: Çyrbja 39’, Hila 89’
Laçi nga ana tjetër ka marrë një fitore mjaft të rëndësishme në shtëpi përballe Luftëtarit dhe tregoi se do të synojë Kupën e Shqipërisë për tu kthyer në kupat e Europës. Kjo është një zgjedhje që praktikohet shumë nga kurbinasit, të cilët edhe këtë vit e kanë mjaft të vështirë të renditen lart në tabelën e kampionatit. Bardhezinjtë mposhtën Luftëtarin me rezultatin e pastër 3-0, duke hedhur një hap të sigurt drejt kualifikimit në gjysmëfinale. Nika, Reginaldo dhe Qaqi shënuan për laçjanët, ndërsa Abazaj e Bregu mbetën në hije te Luftëtari.
Laçi-Luftëtari 3-0
Golat: Nika 23’, Rexhinaldo 31’, Qaqi 79’
Laçi – Luftëtari Laçi: Selmani, Fangaj, Qaqi, Gjoni, Sefgjinaj, Jonuzi, Eskerda (Xhixha 72’), Shtubina, Nika, Uzuni, Rexhinaldo (Shala 92′). Trajner: Gentian Mezani
Luftëtari: Ruçi, Liçaj, Jakovljevic, Beqiri, Xhekson, Aleksi, Ramadani (Aurelio 68’), Abazaj (Minga 61’), Rroca, Bregu, Shkurtaj. Trajner: Hasan Lika.
Gjyqtar: Olsi Sokoli
Kartonë të verdhë: Fangaj 50’, Shtubina 58’, Nika 73’ / Ramadani 16’, Beqiri 36’, Aleksi 65’
