Një tjetër student ka patur një përplasje të fortë me kryeministrin Rama, lidhur me plotësimin e 8 kërkesave. Një student, sapo ka marrë mikrofonin, ka lëshuar një lum akuzash ndaj Ramës, duke thënë se populli nuk është dele.
Jo vetëm kaq, por ai e cilësoi kryeministrin si më të fortin në këtë vend. Me tone ironike, ai tha para studentëve që kishin pranuar të diskutonin me Ramën, se ishte i lumtur që nuk e pushkatuan.
“Rrugaçëria nuk është trimëri. Të çohesh dhe ta fyesh tjetrin. Më duken për të ardhur keq për ta që i votojnë. Unë vetë mund të jem ironik, sakrastik, por kurrë s’do dëgjosh nga unë nga këto akuza rrugaçërore.
Pra, hiqi këto për veten tënde. Argumentet nuk e bëjnë më të fortë fyerjet. As trim nuk të bëjnë fyerjet. Unë ta kam merakun ty për veten tënde, ti e quan popullin dele.
Kjo që bëre është rrugaçëri. Ofendove të gjithë këta që janë këtu, dhe të gjthë kudo ku ishin, sepse mendojnë ndryshe nga ty, edhe ata janë studentë. Ti kush je? Çfarë je ti që nuk respekton minimumin jetik të demokracisë? Më lër të flas unë. Ti akuzon njësoj siç akuzojnë ata që të kanë hedhur trutë e gomarit”, tha Rama.
