Blogeri i njohur Nas Daily surprizon sërish shqiptarët! Ai ka publikuar një video të shkurtër, ku na njeh me një personazh mjaft interesant. Bëhet fjalë për Dianën, një burrneshë që jeton në Durrës dhe që e thërrasin “lali”.
Në videon 1-minutëshe të publikuar në Facebook, Nas përshkruan burrneshën dhe arsyen që ajo vendosi të bëhej e tillë.
“Gratë trajtoheshin shumë keq atëherë. Por Diana donte të kishte të njëjtat të drejta që meshkujt kanë. Prandaj ajo vendosi të jetonte jetën si të ishte e tillë: një burrë”, thuhet në videon e publikuar.
Në përshkrimin e bërë nga Nas Daily, Diana cilësohet si një person karizmatik dhe e fortë. Ndërsa në fund, videoja mbyllet me mesazhin:
“Kjo traditë nuk praktikohet më dhe kjo është një gjë e mirë. Sepse gratë nuk kanë përse të sillen si meshkuj thjesht për të marrë të drejtat që ata meritojnë”.
Më poshtë videoja e publikuar nga Nas Daily.
Më herët, Nas Daily publikoi një video, ku në fokus kishte numrin e lartë të kafeneve në vendin tonë.
