Kryeministri Edi Rama bëri të ditur ditën e sotme strategjinë e tij për të pastruar administratën publike nga të korruptuarit siç e cilësoi ai, që po mban peng vendin. Duke folur në Asamblenë Kombëtare të Partisë Socialiste Rama shpjegoi se tashmë ka ardhur koha që administrata publike të pastrohet nga burokracia dhe korrupsioni që i ka marrë frymën.
Lidhjet nepotike dhe klienteliste sipas tij, po e mbajnë peng zhvillimin e vendit për shkak se në pozicione të caktuara punojësohen njerëz që nuk kanë kualifikimin përkatës për atë pozicion të caktuar pune. “Në burgje dhe hipoteka, llum kriminal dhe shtetëror. Burgjet, është sistemi ku shteti llum është bërë bashkë me llumin anti-shtet. Në 4 vitet e shkuara llumi ka arritur në nivele të papërfytyrueshëm dhe në këtë sistem do të bëjmë thirrje të gjitha forcave të afta, duke filluar nga ushtarakët në lirim që të bëhen pjesë e këtij procesi dhe nuk do të ketë më asnjë emërim partie në burgje, asnjë veteriner, këngëtar që emërohet polic burgu”, u shpreh kryeministri.
Strategjia e kryeministrit e shpjeguar sipas fjalës së tij, për të reformuar administratën publike:
1.Biznesi i vogël dhe Tvsh-ja
Shqipëria është i vetmi vend që nuk e ka as në rajon as në Evropë, nuk ka një vend tjetër me këtë hapësirë të lirë që bën që shumë sipërmarrës të mëdhenj ti shmangen detyrimeve të tyre duke përfshirë në skemën e shmangies edhe të vegjlit. Nuk janë pak ata që blejnë pa TVSh dhe shesin pa TVSh. Në rastin më të parë i kthehen lekët publikut, në rastin e dytë lekët mbeten në arkën e përfitimeve. Biznesi i vogël do të vazhdojë të ketë taksën zero po kjo përbën një detyrim që çdokush që merret me veprimtari tregtare të njohë ligjin dhe ti njohe shtetit për të marrë detyrimet për të marrë detyrimet që i takojnë qytetarëve.
2.Transporti
Në këto 100 ditë fillon fundi i kaosit dhe pisllëkut në rrugët kombëtare të vendit që sapo ka nisur, njerëzit e mallrat të lëvizin të sigurt. Në këto 100 ditë fillon një betejë pa kompromis për të gjithë zullumet me transportin, duke bërë reformë të thellë duke çliruar ministrinë dhe në këtë aspekt të gjitha ministritë lirohen nga barra për të dhënë licenca dhe duke çuar përpara përgjegjësie ata që e kthyen transportin në një nga zullumet më të mëdha. Ata që kanë dhënë me qindra e me mijëra patenta jashtë kriteri e ligji. Praktikisht kanë pajisur me armë njerëzit që mund të kthehen në vrasës për shkak se nuk janë në gjendje ta drejtojnë mjetin brenda standardeve.
3.Plani i rindërtimit
Do të zgjidhim gangrenën e veprave të mëdha të mbetura peng, të mbetura në një ngërç të pashpjegueshëm me një lehtësi për qytetarë. Qytetarët nuk e dinë çfarë kontratash kemi trashëguar. Plani i rindërtimit po përgatitet, do të transformojmë brenda 4 vitesh akset kombëtare në akse kombëtare evropiane. Ky plan do të bëhet i mundur falë programit 1 miliard për rindërtim për të cilin po punojë çdo ditë me ministrat përkatës dhe fillon me rrugën e Arbrit brenda, pak javësh besoj finalizohet kontrata dhe do të vazhdojmë e një serë aksesh të tjera.
4.Energjia
Jemi në kushte te një krizë hisorike shumë të rëndë por as nuk kemi lejuar dhe as nuk do të lejojmë që kjo të përkthehet në ndërprerje energji për familjarët apo bizneset dhe këtë do ta përballojmë në bazë të një plani të mirëmenduar që është vënë në veprim.
5.Arsimi
Sot është një nga ditët e fundit para se të fillojë universiteti. Keni parë ndonjë problem, ndonjë prind që ankohet, ndonjë vajzë apo djalë që është në proces hyrje në universitet dhe të marrë në telefon apo të vërë kujën. Qetësi e plotë që tregon se sa e drejtë ishte reforma që ndërmorëm në arsimin e lartë dhe sa e poshtër ishte e gjithë kundërvënia ndaj kësaj reforma. Fund historisë së mësuesve e drejtorëve. Nuk do të vendosim drejtorë shkollash siç i do partia. Ata do të vendosen mes mësuesve më të shkëlqyer të dalë nga testimi. Nuk na duhet nëse mësuesit janë të majta apo janë të djathtë dhe ne kemi bindjen që kush është i denjë dhe kujt i njihet merita në këtë vend. Edhe trajnimi i mësuesve do të jetë një hap tjetër përpara.
6.Burgjet
Në burgje dhe hipoteka, llum kriminal dhe shtetëror. Burgjet, është sistemi ku shteti llum është bërë bashkë me llumin anti-shtet. Në 4 vitet e shkuara llumi ka arritur në nivele të papërfytyrueshëm dhe në këtë sistem do të bëjmë thirrje të gjitha forcave të afta, duke filluar nga ushtarakët në lirim që të bëhen pjesë e këtij procesi dhe nuk do të ketë më asnjë emërim partie në burgje, asnjë veteriner, këngëtar që emërohet polic burgu.
7.Hipotekat
Po ashtu, hipotekat. Ato janë një tjetër llum i madh. Dhe aty reforma ka nisur. Brenda 100 ditësh do të lancojmë të gjithë programin për krijimin e agjencisë kombëtare të titujve të pronësisë dhe transformimi përfundimtar të këtij sektori po e quajmë nga një llum në një zonë shërbimesh transparente dhe të shpejta për qytetarët dhe sigurisht ata që kanë përgjegjësi për llumin në burgje dhe hipoteka duhet të përgjigjen para ligjeve dhe pjesë e reformës është edhe krijimi i rrjetit antikorrupsion, një rrjeti të ri për të garantuar një vetëkontroll të brendshme të pushtetit ekzekutiv.
8.Vettingu
Sigurisht që është për të qeshur por edhe për të qarë kur dëgjojmë opozitën të na akuzojë ne se po pengojmë vetingun. Po përgjigja jonë është ë qartë. Godina e gjithë procesit të vetingut është godina që është trajtuar me përparësi para tre javësh, është financuar nga qeveria dhe nga dje është në dispozicion të të gjithë trupës së komisionarëve, me të gjithë kushtet optimale aq sa edhe ambasadorët u mahnitën se çfarë kushtesh u kemi krijuar komsionerëve. Nga ana tjetër ne do të rrisim e do të përcaktojmë pagën 50 % më të lartë se paga e anëtarëve të gjykatës kushtetuese e t2ë lartë për komisionarëve e vetingut. Këtë mund të bëjmë ne si qeveri.
9.Bujqësia
Një tjetër zonë e llumit që do të pastrojmë, ku pastaj duhet të bëhet paralel me fillimin e shërbimit dhe ku duhet të ketë ndëshkim është zona e shërbimeve për fermerët. Me ato fonde që kemi do të jemi në gjendje të marrim maksimumin dhe të mos vazhdojmë me subvencionet lëmoshë që nuk prodhojnë asgjë veç iluzionit. Sportelet unike të fermerëve do të bëhen realitet në 100 ditë. 4 vite më ka rënë goja mua e Niko Peleshit për sportelet unike të fermerëve. Nuk u realizuan dot se duheshin mbajtur në këmbë drejtoritë e bujqësisë etj. Do bëhen brenda 100 ditëve në 4 zonat më intensive bujqësore dhe brenda 300 ditëve në të gjitha zonat e Shqipërisë. Drejtoritë e bujqësisë do të shkrihen. Janë atavizëm i së shkuarës. Janë drejtoritë e Enverit pa Enverin. Nuk mund të funksionojmë. Zero dokumentacion për fermerët është një hap tjetër i rëndësishëm. Nuk mund t’iu kërkojmë fermerëve që kërkojnë fonde 700 lloje dokumentesh. Asnjë dokument, zero. Do të aplikojnë dhe kush fiton do analizohet në vetëdeklarimin e tij nëse i ka plotësuar apo jo kushte.
10.AKU dhe Siguria ushqimore
Për 100 ditë do të zhvillojmë luftë të paepur kundër thertoreve. Jemi i vetmi vend që ther në parlament dhe në rrugë. Në parlament theret e vërteta, etika dhe edukata. Therjet në rrugë janë barbari. Gjaku në rrugë është barbari. Duhet të funksionojnë vetëm sipas standardeve. Pjesë e këtij procesi është e përsëris, edhe një përpjekje e fortë për të çliruar popullin fermer nga një bandë, një bandë shtetërore që quhet AKU. AKU duhet të kalojë në shërbimin ndaj qytetarëve dhe të merret me higjienën, standardet, sigurinë ushqimore. Dhe për këtë arsye, pjesë e procesit të të gjithë reformimit është tërheqja nga frontet e therjes se përfaqësuesve të AKU nëpër dogana. Nuk ka punë që të ketë AKU nëpër dogana.
11. Shëndetësia
Spitalet do të hyjnë në një fazë të re. Është shpallur një konkurs publik me përfshirje të përfaqësuesve të OBSH në komisione dhe besojmë se do të nxjerrim nga ky proces një grup menaxherësh për drejtimin e spitaleve. Të gjithë infermierët do të testohen, të marrin pikë, kreditët dhe asnjë nuk do të guxojë kush ti heq nga puna. Sigurisht që çlirimi i spitaleve nga barbaria e ndërtimeve lloj lloj është i domosdoshëm dhe duhet të përfundojë ashtu, sikundër shtrirja më në fund e ndihmës ekonomike në të gjithë Shqipërinë do të bëjnë që ajo të shkojë te ata që janë në nevojë. Edhe në shëndetësi do të ketë reduktim drastik të shumë procedurave, duke filluar te procedura e tmerrshme për kempin, invaliditetin, një tmerr. Domethënë duket sikur janë vënë aq shumë stacione dhe aq shumë vula saqë invalidi të mos arrijë dot deri në fund. Një vrapim me pengesa.
12. Raporti i qytetarëve me qeverinë
-Dua të them që e gjitha në fund ka dy anë. Mbrojtje sipërmarrjes, mbrojtje qytetarit. Qeveria duhet të bëhet miku më i fortë dhe më efektiv. Njerëzit nuk duhet të ndjejnë nevojën për ti gjetur mik dikujt që njeh dikë në qeveri, po duhet të kenë aksesin e drejtpërdrejtë që qeverinë ta përdorin si mikun më të fortë për hallin e tyre. Dhe këtë kuptim ka platforma që kemi lancuar një ditë më parë dhe koordinatori kombëtar. Ne duhet të jemi në ballë të kësaj për të ndërtuar besueshmëri. Ne do të provojmë që ia vlen. Do të ndëshkojmë çdokënd që pengon qytetarët në ushtrimin e të drejtës së tyre. Ky mekanizëm i bashkëqeverisjes është në fakt mekanizimi që i jep akses dëgjimit të atyre që janë të gatshëm të flasin jo vetëm për ankesat.
