Sipas përrallave ose mësimeve të historisë, fëmijët mbretërorë flenë mbi jastëkë mëndafshi, hanë në pjata të arta dhe kalojnë gjithë ditën duke kënduar.
Bright Side vendosi të kontrollojë se si rritet princi dhe princesha më e famshme – George dhe Charlotte, fëmijët e Dukës dhe Dukeshës së Kembrixhit.
Të llastuar?! Ata madje pastrojnë vetë dhomat e tyre.
- Titulli që mban nuk është justifikim për të mos punuar
Në familjen e Dukës dhe Dukeshës së Kembrixhit, ka vetëm një babysitter që i ndihmon për tu kujdesur për fëmijët. Të gjitha detyrat që lidhen me ushqimin, dushin dhe ecurinë e fëmijëve realizohen nga prindërit. Për më tepër, William punon si pilot helikopteri në urgjencën mjekësore, dhe fëmijët janë të vetëdijshëm për këtë.
- Respektoni punën e njerëzve të tjerë
Nipërit e Mbretëreshës Elizabetë e kanë kuptuar që të vegjël që puna e çdo personi duhet të vlerësohet, pavarësisht nëse është një drekë apo pastrimi i shtëpisë. Kjo është arsyeja pse George dhe Charlotte e dinë se ata nuk mund të lënë pas dore ushqimin e tyre dhe se duhet të mbledhin vetë rrobat e shpërndara nëpër shtëpi.
- Familja është prioriteti numër një i jetës
George 4-vjeçar kujdeset për motrën e tij të vogël dhe thotë se ata po bëhen miq të mirë. Edhe pse janë shumë të vegjël, fëmijët e njohin historinë e familjes së tyre dhe shpesh vizitojnë varrin e gjyshes së tyre, Princeshës Diana. Kate dhe William gjithashtu përpiqen të shpenzojnë sa më shumë kohë me fëmijët. George pëlqen të bisedojë për gjithçka me babanë e tij, dhe Charlotte pëlqen të gatuajë së bashku me nënën e saj. Kur hahet darka, fëmijët rrinë bashkë me të rriturit, pavarësisht traditave para-ekzistuese.
- Gjithkush ka të drejtë të shprehë lirisht mendimet dhe ndjenjat e tyre
Përkundër traditës së të qenit “i përmbajtur” në familjen mbretërore, Kate dhe William zhvillojnë në mënyrë aktive intelektin emocional në fëmijët e tyre.
“Fëmijët komunikojnë me njëri-tjetrin në shkollë, dhe ne e kuptojmë se jetojmë në një kohë absolutisht ndryshe nga e kaluara. Ne jemi duke u zëvendësuar me gjenerata që nuk kanë frikë të shprehin gjërat që me të vërtetë i shqetësojnë ata,” thotë Princi William.
- Arsimi është i pari
Leximi i librave është aktiviteti i preferuar i Princ George dhe Princeshë Charlotte. Kate i çon shpesh fëmijët në ekspozita dhe muze. Muzeu i tyre i preferuar është Muzeu i Historisë Natyrore në Londër. “Fëmijët duan të vijnë këtu dhe më besoni, jo vetëm për shkak të dinozaurëve”, thotë dukesha.
- Është e nevojshme të duam sportin
Duka dhe Dukesha janë të njohur për faktin që i duan sportet. Kate i pëlqen hokej dhe William pëlqen të luajë futboll, basketboll, dhe polo. Princi George dhe Princesha Charlotte nuk tregojnë ndonjë interes të jashtëzakonshëm për sportin tani, por prindërit janë të sigurt se fëmijët do të ndjekin hapat e tyre në të ardhmen.
- Duhet të sillemi mirë në publik pavarësisht moshës
Fëmijët janë të vetëdijshëm për largimin e tyre nga ngjarjet dhe vendet publike në rast se sillen keq. Ka rregulla strikte, madje edhe për fëmijët mbretërore. Nëse princi ose princesha sillet keq, ata lihen në shtëpi gjatë një rasti zyrtar.
- Ju mund të relaksoheni në shtëpi
“Ata nuk i kanë thyer ende kockat, por gjithmonë përpiqen ta bëjnë këtë.” George shkon në shtëpi duke kapërcyer sendet dhe duke kërcyer. “Ju lutem më thoni se pas disa kohësh gjërat do të lehtësohen”, thotë Princi William.
- Dënimet fizike përjashtohen plotësisht
Pavarësisht sa keq sillen fëmijët, Duka dhe Dukesha e Kembrixhit kurrë nuk përdorin dënime fizike. Prindërit kanë metodat e tyre të ndikimit te fëmijët. Nëse George bërtet, nëna e tij gjen menjëherë një mënyrë për të tërhequr vëmendjen e tij, për shembull, duke kënduar me zë të lartë. Dhe ndonjëherë ajo vetë fillon të bërtasë. Zakonisht funksionon dhe fëmijët qetësohen.
- Pajisjet elektronike janë lodra për të rriturit
George dhe Charlotte shpenzojnë shumë kohë mbi biçikleta dhe duke kërcyer në pellgje. Ata janë shumë të kufizuar për sa i përket pajisjeve elektronike. Kate dhe William mendojnë se këto lodra janë më të përshtatshme për moshat më të vjetra, ndërsa topa, litarët e kërcimit dhe lojërat në natyrë janë ndihmësit më të mirë në zhvillimin e fantazisë dhe imagjinatës.
- Mund të shohin kukulla në TV
Të shohësh TV lejohet. Sidoqoftë, ka një kohë të limituar edhe për të. Fëmijët mbretërorë tashmë kanë filmat e tyre të preferuar; Charlotte shpesh kërkon të shikojë Peppa Pig, dhe George adhuron zjarrfikësin Sam.
- Shpenzimet e arsyeshme janë mënyrë jetese
Kate dhe William shpenzojnë në mënyrë të arsyeshme. Shpesh refuzojnë të blejnë rrobat e fundit të modës. Ne ndonjëherë shohim Princin George ose Princeshën Charlotte të veshur me rroba të prindërve të tyre apo edhe rroba nga fëmijëria e xha Harry. (TIRANA TODAY)
