Kreu i Iniciativës Qytetare SDP, Oliver Ivanoviç tha sot se “fushata serbe” për zgjedhjet lokale të Kosovës “është e çuditshme” dhe se “serbët kanë më shumë frikë nga serbët në Kosovë, sesa që kishin frikë nga shqiptarët radikalë prej vitit 1999 deri më 2004 dhe 2008”.
Ai, në një intervistë për mediumin serb FoNet, ka thumbuar përfaqësuesit e Listës Serbe, për të cilët ka thënë se po tentojnë të krijojnë përshtypjen se do të mbahen zgjedhje demokratike në Kosovë, edhe pse sipas tij, pritet të ndodhë e kundërta.
“Ne jemi në një situatë ku këta serbë po përpiqen të na detyrojnë neve në një mënyrë nxitëse dhe ne po punojmë shumë për të parandaluar këtë gjë. Tentojnë ta bëjnë këtë proces zgjedhor normal, sepse që nga fillimi duket se nuk kemi të bëjmë kem një proces normal zgjedhor në një mjedis demokratik “, tha Ivanoviç, transmeton Insajderi.
I pyetur nëse është e mundur të thuhet se ka presion nga Beogradi për serbët në Kosovë, Ivanoviç tha se serbët kanë më shumë frikë serbët e tjerë në Kosovë, sesa që kishin frikë nga radikalët shqiptarë në vitin 2004 e deri më 2008.
