Në deklaratën e tij për shtyp, ditën e djeshme, ish-ministri Saimir Tahiri tha “nuk kërkoj nga askush të më besojë e aq më pak të më mbrojë publikisht, më së pari nga kolegët e partisë sime, në parlament ose jo. Në qeveri padyshim, përfshirë kryeministrin”.
I vetmi që ka folur dhe ka reaguar publikisht për situatën nga kampi rozë është kryeministri Edi Rama. Ky i fundit ka postuar dy statuse ne rrjetin social në “Facebook”. I pari i postuar kërkonte drejtësi ndërsa ai që postoj sot tregonte se i dilte në mbrojtje ish-ministrit të qeverisë së tij.
Edi Rama: Duam të vërtetën! Sa më parë! Saimir Tahirin e njoh prej vitesh dhe kam pasur vetëm fjalë mbështetjeje e inkurajimi për të, si person me qëllime të mira, aftësi dhe integritet.
Në parinë socialiste thuajse nuk flet askush, por ne mund ti marrim të ndarë në dy grupe të mëdha të parët janë ata që gjithçka e lidhin me drejtësinë dhe presin që drejtësia të flasë edhe për Saimir Tahirin.
Dhe të dytët janë ata që heshtin, këta nuk dihet në janë në mbrojtje të Tahirit apo kanë frikë të dalin kundër tij sepse mendojnë që akoma nuk është momenti i fundit që edhe këta ti japin një dorë për ta fundosur politikisht.
Kolegët e Tahirit që besojnë te drejtësia kanë thënë:
Vasilika Hysi: Unë besoj por t’ia lemë drejtësisë.
Mimi Kodheli: Besoj tek drejtësia, duhet të besoj tek drejtësia, po luftojmë ta bëjmë këtë të mundur.
Bledi Çuçi: Absolutisht po!
Klotilda Ferhati: Unë besoj te pafajësia e çdokujt deri sa gjykatat të shprehen.
Arben Pëllumbi: Nuk më takon mua të besoj në këtë gjë, janë organet kompetente që duhet të gjykojnë tek këto probleme.
Jurgis Çyrbja: Kjo nuk është një çështje besimi, por është një çështje drejtësie. Të lemë drejtësinë të bëjë punën e vet dhe në fund të na sqaroj të gjithë situatën që ka ndodhur.
Tom Doshi: Akuza kanë të gjithë politikanët, por kur të fillojë procesi do e shohim a është fajtor apo jo.
Taulant Balla, deputetëve socialist: Ju jeni juristë. Mbani qasje juridike ndaj çështjes. Ne nuk pozicionohemi e nuk mbajmë anë.
