Lideri i BDI-së, Ali Ahmeti u takua me liderin e LSDM-së, Zoran Zaev. Për takimin LSDM publikoi një komunikate për media ku thuhet se është biseduar për principet e bashkëpunimit, qeveria reformuese dhe integrimet në BE dhe NATO, përcjell SHENJA.
“Në periudhën e ardhshme do të intensifikohet dinamika e bisedimeve mes dy partive, përfshirë edhe me partitë që dhanë përkrahje për përbërjen e re të Qeverisë së Maqedonisë, dhe më pas do të kalohet në zgjidhje konkrete për ndarjen e ministrive”, kanë thënë nga LSDM.
Vetëm me një bashkëpunim dhe aleancë paszgjedhore me BDI-në lideri i LSDM-së, Zoran Zaev mund të krijojë qeverinë e re.
