Marine Le Pen u filmua duke kërcyer “I love Rock N Roll” vetëm disa orë pas humbjes përballë kundërshtarit të saj Emmanuel Macron në zgjedhjet presidenciale në Francë.
48-vjeçarja u pa duke kërcyer e duke kënduar këngën e famshme të Joan Jett dhe The Blackhearts. Në disa momente ajo u pa duke kërcyer edhe nën ritmet e këngës YMCA. Vetëm pak orë më parë, kandidatja e Frontit Nacional telefonoi Macron për të përgëzuar për fitoren pasi sondazhet treguan se ky i fundit fitoi me më shumë se 65% të votave.
Po ashtu, edhe Macron nga ana e tij festoi me mijëra mbështetësi në Louvre në Paris, ku nuk mund të mungonte edhe bashkëshortja e tij 64-vjeçare Brigitte.
