Al Jazeera raporton, se një shpërthim i fuqishëm ka goditur zonën pranë aeroportit ndërkombëtar të Damaskut. Sulmi është kryer nga forcat izraelite mbi një depo armësh të grupit libanez Hezbollah, e cila ndodhet pranë aeroportit të Damaskut. Dëshmitarët thanë se kanë ndodhur 5 sulme në total, përgjatë rrugës që të çon drejt aeroportit, i cili ndodhet rreth 25 km larg kryeqytetit.
Raketat, që qëlluan nga territori izraelit, synonin një zonë ushtarake në pjesën jugperëndimore të aeroportit, raporton Al Jazeera.
Ministri i Inteligjencës së Izraelit, Katz, duke folur nga Shtetet e Bashkuara konfirmoi se incidenti në Siri korrespondon plotësisht me politikën e Izraelit për të parandaluar kontrabandën e armëve të përparuara të Iranit, nëpërmjet Sirisë, për llogari të grupit Hezbollah. Shpërthimi nuk ka shkaktuar viktima.
