Ushtria izraelite të hënën tha se kishte sulmuar një grup islamist palestinez, në Rripin e Gazës gjatë natës. “Në përgjigje të zjarrit drejt Izraelit, ne goditëm një bazë ushtarake të Hamasit që përmbante infrastrukturë dhe automjete të përdorura për aktivitete terroriste,” shkroi ‘Forcat e Mbrojtjes së Izraelit’ (IDF).
“Baza ishte afër vendeve civile në Gaza, duke përfshirë një shkollë. Ne do të vazhdojmë t’i përgjigjemi çdo përpjekjeje terroriste nga Gaza.”
Militantët palestinezë shpesh dërgojnë balona të ngarkuara me eksplozivë dhe pajisje ndezëse përtej kufirit me Izraelin për të shkaktuar dëme. Kjo rregullisht shkakton zjarre në fushat në jug të vendit. Në maj, ushtria izraelite u angazhua në një betejë 11-ditore me militantët palestinezë në Rripin e Gazës. Sipas të dhënave zyrtare, 13 njerëz u vranë në Izrael dhe 255 njerëz vdiqën në Gaza.
Egjipti përfundimisht negocioi një armëpushim midis Izraelit dhe Hamasit në pushtet në Gaza, që hyri në fuqi në 21 maj. Hamasi klasifikohet si një organizatë terroriste nga Izraeli, SH.B.A. dhe BE. Sipas organizatave humanitare, shumica e 2 milion njerëzve në Rripin e Gazës – kufijtë tokësorë dhe detarë dhe hapësira ajrore e të cilëve kontrollohen nga Izraeli dhe Egjipti – jetojnë në kushte shumë të këqija.
