Israeli ka ndihmuar në shmangien e një akti të dyshuar si akt terrorist në Australi.
Korrikun e shkuar, policia australiane akuzoi dy vëllezër të cilët dyshoheshin se po planifikonin një plan terrorist për të hedhur në erë një avion të linjës “Etihad Airëays” që udhëtonte nga Sydney në Abu Dhabu.
Autoritetet kanë thënë se akti i dyshuar ishte i lidhur me grupet e Shtetit Islamik.
Policia australiane tha se një bombë e bërë në kushte shtëpie do të hidhej me 15 korrik gjatë një fluturimi, por kur komploti i bombës dështoi për arsye të masave të marra, dy të dyshuarit filluan të përgatisin një plan të dytë duke krijuar një pajisje kimike të improvizuar .
Vëllezërit libanez-australian Khaled Khayat, 49 vjeç, dhe Mahmoud Khayat, 32 vjeç, u arrestuan më vonë në Sydney dhe u akuzuan për “përgatitje dhe planifikim të një sulmi terrorist”.
Agjencia e lajmeve AFP tha se Izraeli nuk zbuloi se cili fluturim ishte në qendër të paralajmërimit të saj. Megjithatë, një tip nga grupi i zbulimit ushtarak “Njësia 8200”, e cila shpesh krahasohet me Agjencinë e Sigurisë Kombëtare të SHBA, ka çuar në arrestimet në Australi.
“Shërbimet e inteligjencës izraelite penguan rrëzimin e një aeroplani australian, një masakër të paimagjinueshëm. Kjo do të kishte shkaktuar një përçarje të madhe në transportin ajror global dhe kjo është vetëm një nga dhjetëra sulme terroriste që kemi hedhur poshtë në të gjithë botën“-tha Netanyahu për udhëheqësit hebrenj-amerikanë.
Ministri i Punëve të Brendshme Australiane Peter Dutton tha se Izraeli ishte “drejtpërdrejt” i përfshirë në zbulimin e komplotit. Fluturimi “Etihad’ pothuajse doli nga qielli dhe do të kishte rezultuar me qindra njerëz që të humbasin jetën kështu që ne jemi shumë mirënjohës për ndihmën që Izraeli ofroi në atë çështje”- tha zoti Dutton për stacionin lokal 2GB.
Komploti i dyshuar ishte ndër përpjekjet më të sofistikuara ndonjëherë në Australi, thanë policia. Policia tha se plani i dytë i dyshuar, që përfshin përdorimin e gazit, nuk ishte afër realizimit.
