Ish-truproja i Berishës, Izet Haxhia, i dënuar për vrasjen e Azem Hajdarit, gjatë ditës së sotme është paraqitur në gjyq, në Gjykatën e Tiranës, ku pritet të rivendosë në afat ankimimin në Apel për çështjen e ngritur prej tij, atë të rihapjes se dojes “Hajdari”.
Gjatë seancës ai e ka marrë fjalën, duke akuzuar sërish ish-kryeministrin Berisha, se ka paguar 1 mln euro për eliminimin e tij. “Nëse bëhet rigjykim, do ta provoj këtë”, tha Haxhia në gjyq.
Pak ditë më parë, Haxhia ka deklaruar se ka ardhur në Shqipëri, pasi i dhanë garanci për jetën dhe se do të dëgjohej.
“Nga viti 1990 deri në 1998 jam dëshmitar i shumë ngjarjeve kriminale, të cilat mund t’i djegin Berishës”, ka qenë deklarata e Izet Haxhisë, në seancën e dytë të procesit, ku ai kërkon që të rihapet gjykimi ndaj tij.
Izet Haxhia është një nga të dënuarit me 25 vite burg, për vrasjen e ish-deputetit demokrat, Azem Hajdari, në shtator të vitit 1998.
