Ministri i jashtëm serb Ivica Daçiç, i thotë Ramush Haradinajt, se Nishin mund ta shohësh vetëm nga burgu . Daçiç, gjatë qëndrimit të tij në Novi Sad, tha: “Unë do këshilloja Haradinajn ta shkurtojë gjuhën, sepse ai viktimave të tij, jo vetëm se i ka shkurtuar gjuhën por edhe i ka vrarë. Kurse qytetin e Nishit mund ta shohë vetëm nga burgu”.
Kurse nga ana tjetër, partia AAK në një deklaratë thotë theksoi “Ish-ashkëpunëtori i kasapit të Ballkanit, Ivica Daçiç, e paska porositur Ramush Haradinajn që ta shkurtojë gjuhën e të mos e kërkojë heqjen e Kosovës nga Kushtetuta e Serbisë! I themi Daçiçit, se nuk i kanë bërë punë as kërcënimet e shefit të tij Millosheviç, që shkaktoi qindra mijëra viktima në Kosovë e gjithandej në ish-Jugosllavi, e jo një matrapazi ordiner siç është Daçiç. Ramush Haradinaj është hero i vendit dhe i popullit të tij, ndërkaq Daçiç e të tjerë si ai, nuk janë tjetër veçse turpi i vetes dhe i popullit serb”.
E gjithë kjo vjen pas një deklarate në media e Ramush Hardinajt, i cili ka thënë se nëse Serbia nuk e largon Kosovën nga preambula e saj ne Kushtetutë, atëherë ai si kryeministër do ta ndërrojë edhe Kushtetutën e Kosovës, dhe në hartën e Kosovës do ta përfshijë edhe Nishin.
