Rrugëtimi i Eneas së Trojës, është përfshirë në itinerar kulturor që është certifikuar nga Këshilli i Evropës. “Rrugëtimin e Eneas së Trojës” është përfshirë së fundi në një itinerar kulturor, dhe si i tillë është çertifikuar nga Projekti i bashkëpunimit kulturor ndërkombëtar të Këshillit të Evropës.
Mnistrja Margari thotë se kjo është: “Një mundësi e artë për turizmin kulturor shqiptar, pasi një seri aktivitetesh, takmesh, shfaqjesh, si pjesë e festivalit “Rotta di Enea”, do të zhvillohet përgjatë këtij itinerari. Së pari nisin në Itali e Greqi e me qetësimin e situatës së krijuar nga Covid 19, do të vijojë në Turqinë e Trojës, Tunizi dhe Shqipërinë e Butrintit, ku thuhet se ndaloi Enea, heroi trojan që i shpëtoi luftës shkatërruese”.
Më herët, drejtori i Parkut Kombetar te Butrintit, Eri Sulo ka shkruar: “Qyteti Antik i Butrintit, i cili ndodhet në zemër të Parkut Kombëtar Butrint, sipas legjendës është ndërtuar nga trojanët. Enea u ndal edhe në Butrint, ku takoi një tjetër trojan, Helenin dhe Andromakën, nga ku më pas vijoi rrugëtimin e tij drejt tokës së premtuar.
Pas rënies së Trojës, Enea rrugëtoi në kërkim të një toke të re, ku ai të rindërtonte Trojën”.
