Një ngjarje e rëndë është shënuar gjatë pasdites në një fabrikë pllakash në Itali. Në firmën “Lamina spa”, e cila prodhon pllaka çeliku dhe titani janë gjetur pa ndjenja 6 punëtorë brenda kantierit, ndërsa dy persona kanë ndërruar jetë në spital për shkak të asfiksimit.
Ambulanca ka dërguar punëtorët në gjendje të rëndë në spitalin më të afërt në “San Gerardo” në Monza të Milanos. Menjëherë pas marrjes së ndihmës në spital, katër punëtorët ndodhen jashtë rrezikut për jetën.
Karabinierët kanë konstatuar se punëtorët janë intoksikuar nga gazi, ku kanë qenë duke pastruar një furrë rreth dy metra nën tokë. Ndër të plagosurit është edhe një zjarrfikës, i cili ka tentuar të ndihmoj punëtorët.
Punonjësi i zjarrfikëses u transportua menjëherë në spital, ndërsa ndodhet jashtë rrezikut për jetën. Policia ndodhet në vendngjarje dhe po punon për identifikimin e shkaqeve.
