Policia italiane ka kapur një sasi rekord prej 2.3 ton marijuanë, e cila vinte nga Shqipëria.
Droga e ardhur me gomone do të shkarkohej në grykën e lumit Tronto.
Pas publikimit të lajmit nga mediet italiane, ka dhënë detaje edhe policia shqiptare. Kjo e fundit njofton se gomonia e ngarkuar me marijuanë ka shkarkuar në breg të detit lëndën narkotike dhe është larguar në ujërat detare mes Kroacisë dhe Malit te Zi duke i shpëtuar ndjekjes së skuadrave të GdF.
Kjo e fundit ka sekuestruar lëndën narkotike të hedhur nga gomonia në një sasi prej 2322 kg e dyshuar marijuanë dhe 625 litra benzinë, si dhe ka arrestuar dy persona të cilët ishin me një furgon gati për të transportuar lëndën narkotike, konkretisht: shtetasi shqiptar rezident në Itali K.D, 24 vjeç dhe shtetasi italian R. A. 63 vjeç.
Megjithatë, në njoftimin e nisur për mediat, Policia e Shtetit ka mohuar që ky rast trafikimi të ketë lidhje me Shqipërinë .
Sqarim për mediat nga Policia e Shtetit:
Në lidhje me një sasi prej 2322 kg lënde narkotike të sekuestruar nga GdF në zonën e San Benedetos Itali ju informojmë se;
Gomonia oqeanike ka mundur të shkarkojë në breg të detit lëndën narkotike dhe është larguar në ujrat detare mes Kroacisë dhe Malit te Zi duke i shpëtuar ndjekies së skuadrave të GdF.
Skuadrat e GdF në afërsi të bregut në zonën e San Benedetos kanë sekuestruar lëndën narkotike të hedhur nga gomonia në një sasi prej 2322 kg e dyshuar marjuanë dhe 625 litra benzinë, si dhe kanë arrestuar dy persona të cilët ishin me një furgon gati për të transportuar lëndën narkotike, konkretisht: shtetasi shqiptar rezident në Itali K.D, 24 vjeç dhe shtetasi italian R. A. 63 vjeç.
Vijojnë hetimet e përbashkëta Itali -Kroaci-Mal i Zi dhe Shqipëri, ku ka një shkëmbim intensiv të informacioneve me policine italiane dhe Guardia di Finanza per hetimin e rastit, por nuk ka elemente që lidhin këtë rast trafikimi me Shqiperinë.
Gomonia ka mundur t’i shpëtojë ndjekjes që ka zgjatur disa orë derisa ka humbur gjurmët në ujërat mes Kroacisë dhe Malit të Zi.
Vijon kontrolli në det për gjeien e gomones dhe arrestimin e trafikantëve.
