Futbolli italian gjithmonë është krenuar me mbrojtjen e fortë dhe lojën taktike, por në fillimin e fazës së dytë duket se portat janë ‘hapur’. Si nuk kishte ndodhur më parë në katër sfidat që janë zhvilluar ditën e sotme janë shënuar plot 22 gola, një numër që as në Premier Ligë dhe as në La Liga nuk është parë.
Ndeshja kryesore, më e rëndësishme, ishte ajo mes Atalantës dhe Romës, e cila përfundoi në barazim 3-3. Roma ishte ajo që kaloi e para në avantazh me tre gola, por që në pjesën e dytë u shpërfytyrua duke pësuar po aq.
Ndërkohë surpriza erdhi nga SPAL dhe Frosinone, të cilat mundën Bolonjën dhe Parmën, respektivisht. Kështu me këto dy fitore të dyja ekipeve të zonës së ftohtë, lufta për mbijetesë është ashpërsuar duke rritur rivalitetin.
Më herët Fiorentina mundi Chievon, me rezultatin 3-4. Në një ndeshje që kishte shumë luhatje dhe shumë emocione.
Rezultatet e ditës së sotme:
Kievo-Fiorentina 3-4
Atalanta-Roma 3-3
Bolonja-SPAL 0-4
Parma- Frosinone 2-3
Torino-Inter 18:00
Lacio-Juventus 20:30
