Italia shfaqet një zë mbështetes për një qeveri teknike, që do jetë garanci për zgjedhjet e lira dhe të ndershme.
“Vendi ynë nuk mund të mbetet indiferent për krizën politike në Shqipëri, në këtë moment”, thotë Paolo Romani, transmeton media italiane.
“Italia ka qenë gjithmonë aleati kryesor i procesit të integrimit evropian të Shqipërisë, dhe duhet të vazhdojë të mbajë një rol udhëheqës dhe mbështetje në këtë moment delikat. Vendi ynë nuk mund të mbetet indiferent për krizën politike në Shqipëri në këtë moment”, thotë Paolo Romani.
Presidenti i senatorëve të Forza Italia thekson se bëhet fjalë për “një krizë politike që është shartuar në një situatë të komplikuar me një prani të fortë të krimit, sipas të dhënave të fundit, nga trafikimi i kanabisit drejt vendit tonë dhe që sheh institucionet tona bashkë me ato shqiptare protagoniste në kontrast me kontrollin e territorit”.
Ai thekson se “në këtë skenar bëhet e domosdoshme menaxhimi i zgjedhjeve të ardhshme nga një qeveri teknike, e mbështetur nga shumica dhe opozita, siç kërkohet edhe nga Kryetari i Kuvendit, Ilir Meta, që përfaqëson Lëvizjen Socialiste për Integrim, komponentin e shumicës qeveritare, në gjendje për të përmirësuar klimën e konfrontimit politik mes partive kryesore shqiptare, Partia Socialiste e kryeministrit Edi Rama dhe partia demokratike e Luzlim Bashës, respektivisht qeveria dhe opozita, për t’i dhënë vendit një ligj të ri zgjedhor, pas dështimit të reformës; dhe për të siguruar zgjedhje demokratike dhe të lira”.
“Vetëm në praninë e këtyre kushteve, procesi i integrimit të Shqipërisë në Bashkimin Europian mund të shkojë i papenguar dhe nën përkujdesjen më të mirë. Italia duhet të luajë një rol promotor në të gjitha zyrat evropiane për të mbështetur Shqipërinë në një ecuri pozitive të kësaj faze dhe në arritjen e hyrjes së objektivit final në Bashkimin Evropian”, përfundon ai.
