Më shumë se dy milionë njerëz në 100 qytete të Italisë kanë protestuar për Gazën, duke kërkuar armëpushim dhe paqe për popullin palestinez. Qytetet si Firence, Torino, Milano dhe Bolonja kanë mbetur të bllokuara si pasojë e demostratave të shumta dhe përleshjeve të protetuesve me policinë. Ndërsa në qytetet si Livorno dhe Napoli, hyrja në porte u bllokua.
“Demonstratat e sotme panë pjesëmarrjen e jashtëzakonshme dhe të pashembullt të të rinjve, të cilët kërkojnë një të ardhme paqeje dhe drejtësie sociale, me punësim të qëndrueshëm dhe një luftë kundër punësimit të pasigurt” tha Sekretarit i CGIL, Maurizio Landini.
Rai News shkroi se mbi 300 mijë njerëz marshuan nëpër rrugët e kryeqytetit të Italisë. Sipas të dhënave, deri më tani raportohet se pjesëmarrja mesatare kombëtare në grevën e përgjithshme në Itali ishte rreth 60%.
“Mobilizimi i sotëm ishte një sukses,më shumë se 2 milionë njerëz dolën në rrugë për të marrë pjesë në marshimet e mbajtura në mbi 100 qytete italiane për grevën e përgjithshme kombëtare në mbrojtje të Flotiljes, të vlerave kushtetuese, për të ndaluar gjenocidin dhe në mbështetje të popullit të Gazës. 300,000 njerëz marshuan nëpër rrugët e kryeqytetit”, njoftoi CGIL në një deklaratë.
