6 gushti është data e caktuar, nga e cila Green Pass do të jetë e detyrueshme në Itali për të hyrë në shumë ambjente të brendshme dhe evente. Njerëzit që hyjnë në vende ose evente pa Pasaportën e Gjelbër kur është e nevojshme, dhe menaxherët e aktiviteteve, të cilët mbahen përgjegjës, rrezikojnë gjobitje të larta.
Dekreti në fakt parashikon që “pronarëve ose menaxherëve të shërbimeve dhe aktiviteteve u kërkohet të verifikojnë nëse qasja në shërbimet e lartpërmendura është në përputhje me kërkesat apo jo”.
Gjobat variojnë nga 400 deri në 1.000 euro për ata që hyjnë pa një certifikatë të gjelbër, ose me një të pavlefshme ose të skaduar, në vende ose evente, për të cilat ekziston detyrimi për të paraqitur dokumentin. I njëjti sanksion parashikohet për operatorin ose menaxherin, të mbajtur përgjegjës për hyrjet, siç përcaktohet me dekretin më të fundit të Covid.
Mateo Salvini, politikani i “Lega” u shpreh lidhur me dekretin se nuk mund të kthehen kamarierët dhe baristët në xhandarë, nuk është normale.
