ISIS kërcënon përsëri Spanjën një javë pas masakrës në Barcelonë, ku një furgon mori para një turmë njerëzish, duke lënë të vdekur 14 persona dhe plagosur mbi 100. Shteti Islamik ka publikuar një video ku kërcënon se lufta ndaj Spanjës do të vijojë deri në fund të botës, ndërsa shtojnë se:
“Me lejen Allahut, (Zotit) Al Andalus do të kthehet ajo që ka qenë dikur, tokë e Kalifatit.”
Dy terroristë që identifikohen si “Al Qurtubi” dhe “Qbusalman Al Andalus”, lëshojnë kërcënime të ndryshme ndaj Spanjës në një video që sapo është publikuar, duke thënë ndër të tjera se: “Nuk do t’ju lëmë të qetë kurrë!”.
“Daily Mail” ka publikuar videon e ISIS ku shfaqen dy terroristët, por edhe imazhe nga masakra në ‘La Rambla’ dhe manifestimin me homazhet në sheshin Katalonia ku merr pjesë edhe mbreti Felipe VI, kryeministri Mariano Rajoy si dhe presidenti katalanas Carles Puigdemont.
Video përfundon vrasjen e Younes Abouyaaqoub, autorit të sulmit në Barcelonë, ku ai qëllohet nga policia të hënë.
