Kohët e fundit janë nxehur gjakrat mes palëve, pas lajmit se Shqipëria është e gatshme të pranojë një kapacitet prej 600 mijë refugjatësh sirianë. Historia në fjalë e ka zanafillën pas një vizite të kryeministrit bullgar Borissov dhe konferencës së shtypit që ai mbajti përkrah Edi Ramës në Tiranë, ndërsa pretendoi se Shqipëria do priste luftëtarët e kapur rob nga ISIS.
Kaq u desh që të shpërthenin polemikat dhe akuzat. Në fakt, edhe PD nuk ka qëndruar në heshtje, por e ka sulmuar shpesh kryeministrin Rama, si në Kuvend, apo dhe me anë të postimeve të ndryshme në rrjetet sociale. Por Rama, për ti vënë kapakun kësaj historie, i është rikthyer çështjes së refugjatëve, duke e cilësuar si një broçkull të radhës.
Kryeministri bullgar “trazon ujërat” e politikës shqiptare/ Rama: ISIS në Shqipëri mbetet fantazi!
Në një dëgjesë publike me qytetarët në Sarandë, Rama e cilësoi këtë lajm një broçkull kozmike, ndërsa nuk kurseu as sulmet për opozitën.
“Broçkulla e re kozmike është që 600 mijë ushtarë të ISIS, do vijnë në Shqipëri. ISIS si ka aq ushtarë. Do vijnë me avion i bie, por ne nuk bëhemi pikë grumbullimi për ta. Do qeshim me keqardhje por do u sugjerojmë psikolog.
Esat Pasha gjeti pasardhës. 100 vjet në varrë i hidhëruar dhe i gjeti, pasardhës që hedhin bomba me tym dhe me helm. Kur erdhi babalja si hero, s’ka gjë që vjen pas. Siç thonë, se di në greqisht, por në shqip thonë; qentë le të lehin, karvani le të ecë përpara”, tha Rama.
Pyetja e cila na lind krejt natyrshëm është: Si qëndron e vërteta? Ka pak gjasë që ai të ketë folur me kaq papërgjegjësi.
ISIS dhe azilkërkuesit/Kush po gënjen? Shqipëria mohon lajmet e mediave prestigjioze
Më herët, përmes një konference kryeministri i Bullgarisë, Boyko Borissov, dha sinjalet që në Shqipëri do të ndërtohet një qendër për koordinimin e luftëtarëve të ISIS, që kthehen në territorin e Ballkanit.
Lajmi ‘bombë’ që tha Borissov në Tiranë, kaloi pa u vënë re
“Në Shqipëri do të bëhet një qendër koordinimi për luftëtarët që kthehen nga ISIS në territorin e Ballkanit”, u shpreh kryeministri i Bullgarisë, Boyko Borissov, në konferencën e përbashkët për shtyp të mbajtur bashkë me kryeministrin Rama.
TIRANA TODAY
