ISIS ka marrë përgjegjësinë për një sulm me bombë në një qendër kulturore shiite në kryeqytetin e Afganistanit, Kabul, i cili shkaktoi 41 viktima dhe plagosjen e dhjetëra të tjerëve.
Dy fëmijë ishin në mesin e të vdekurve dhe 84 vetë u plagosën gjatë shpërthimit, sipas një zëdhënësi të Ministrisë së Shëndetësisë. Sulmi shkundi qendrën në bodrumin e një ndërtese në perëndim të qytetit në orën 10:30 të mëngjesit.
Po ashtu, shpërthimi goditi agjencinë afgane të lajmeve, e cila ka një zyrë në katin e sipërm, tha zëdhënësi i Ministrisë së Brendshme afgane Nasrat Rahimi. Dy shpërthime të tjera të njëpasnjëshme ndodhën në të njëjtën ndërtesë, por nuk shkaktuan dëmtime.
Agjencia e lajmeve Amaq e lidhur me ISIS tha se grupi terrorist ka kryer sulmin.
Një turmë me më pak se 100 vetë u mblodh në qendrën kulturore për të shënuar përvjetorin e pushtimit sovjetik të Afganistanit, kur një bombardues shpërthye bombën në mes të turmës.
Kabuli është bërë një nga vendet më vdekjeprurëse në Afganistanin i shkatërruar nga lufta civile gjatë muajve të fundit, pasi talebanët i shtuan sulmet e tyre dhe ISIS kërkon të zgjerojë praninë e tij në vend. TIRANA TODAY
