Shteti Islamik, ISIS ka marrë përgjegjësinë për sulmin në Vjenë, në të cilin u vranë 4 persona dhe u plagosën 22 të tjerë.
Në deklaratën e këtij grupi, të publikuar nga agjencia e tij e lajmeve Amaq, nuk janë ofruar të dhëna, shkruan Reuters.
Deklarata është shoqëruar me një fotografi të një burri me emër “Abu Dagnah Al-Albany”, duke thënë se ai ka sulmuar turmat e njerëzve në qendër të Vjenës të hënën, para se të vritej nga policia austriake.
Autoritetet austriake e kanë cilësuar ngjarjen e së hënës si sulm “terrorist”.
Policia austriake vrau sulmuesin e dyshuar, duke e identifikuar si Kujtim Fejzullhu, 20 vjeç, me shtetësi të Austrisë dhe Maqedonisë së Veriut.
