Ky rast mund të ishte një shembull i integrimit të shpejtë. Dëshira e shqiptarëve për një jetë më të mirë është e madhe. Ata braktisin vendin e tyre për t’u vendosur në një shtet të huaj, raporton ladepeche.fr.
Por ëndrra ndonjëherë mund të kthehet në makth … Ai ka arritur në Francë në shtator të vitit të kalur. Bëhet fjalë për shqiptarin Shkëlzen Demaliaj, i cili nuk e la Shqipërinë me dëshirë.
Sikundër ai shprehet në frëngjisht: “e lashë Shqipërinë thjesht për t’iu shmangur persekutimeve të përhershme politike”.
Pas qëndrimit në Foix, ai u ndihmua nga shoqata Cada dhe u vendos në veri të Toulouse.
Aty, ai gjeti shpresë për të vazhduar jetën përpara falë pasionit për futbollin. Shkëlzeni është portier për Villemur-sur-Tarn.
Por, një fat jo i mirë e ka ndjekur shqiptarin. Ai është detyruar të presë, pasi në Francë është paraqitur si azilkërkues.
Ai vijon të presë ndërsa buzëqeshja në fytyrë i mungon. “Unë gjithmonë do ta kujtoj! Unë gjatë lojës mbeta i plagosur. Kam ecur përpara pa marrë parasysh situatën time. Jam stërvitur e pastaj kam luajtur. Lumturia është se ekipi është ngjitur këtë sezon. Sot punoj dhe stërvit të rinjtë. Është kënaqësi. Sporti më bën të harroj fatkeqësitë … “, tha ai.
Por, atij i kanë mbetur disa javë kohë, pasi i kanë kërkuar që të lërë territorin francez.
Gëzimi për të duket se ka qenë jetëshkurtër. Në fund të nëntorit, Shkëlzeni, bashkëshortja e tij dhe djali i tij njëvjeçar do të duhet të largohen. Gjykata Kombëtare e Azilit u ka mohuar kërkesën për azil.
Por, Shkëlzeni nuk dëshiron që të kthehet në Shqipëri. Një ushtar në karrierë, një anëtar i Gardës së Republikës së Shqipërisë, Shkëlzeni ka qenë në krye të sigurisë së ish-kryeministrit Berisha dhe ish-ministrit të Brendshëm në kohën e PD-së. Ai është anëtar i Partisë Demokratike. Shkëlzeni kundërshtuar fuqishëm kthimin në Shqipëri pasi qeveria e re nuk e mbështet.
“Ata më bllokuam karrierën time. Një ditë, gruaja ime u sulmua. U përpoqa të luftoja të ndryshoja punën, por duhej të largohesha. Nuk kisha zgjidhje. Gruaja ime së pari shkoi në shtëpinë e motrës së saj në Itali. Pastaj përfunduam në Francë. Ne bëmë gjithçka që të përshtatemi për të qëndruar këtu”, tha ai./ Përshtati: Tirana Today/
