Christian Eriksen u transferua me shumë bujë te Inter në merkaton e janarit, por deri tani nuk ka gjetur aq shumë minuta sa do të donte te ky klub.
Pikërisht për këtë arsye, një ish-trajner i danezit kur ishte te Ajaksi, si Martin Jol i ka këshilluar mesfushorit të largohet nëse nuk i japin minuta. “Eriksen mund të bëjë dhe të shpikë gjithçka. Ai është një lojtar i jashtëzaknshëm dhe i zgjuar. Ai ishte talenti më i mirë në të gjithë akademinë e Ajax.
Unë mendoj se ai mund të bëjë një karrierë të shkëlqyer edhe te Inter. Por, nëse ai nuk luan rregullisht nuk mund të dëshmojë atë që mund të bëjë.
Nëse ai nuk luan shumë ndeshje te Inter, atëherë vendimi për të kaluar te zikaltërit ka qenë i gabuar. Nëse nuk i japin hapësira, atëherë ai duhet të largohet nga ky klub dhe të kthehet në Premier Ligë ose të kalojë në Spanjë.”
