Ish-presidenti i Real Madridit, Ramon Calderon ka zbuluar arsyen e vërtetë se pse Zinedine Zidane u largua nga “Mbretërit”. Vendimi i Zidane për t’u larguar në fund të sezonit të shkuar, pas trofeut të tretë radhazi të Champions League i habiti të gjithë.
Ai largim u pasua disa javë më vonë me transferimin e Ronaldos prej 100 milionë eurosh te Juventusi dhe duket se të dy ishin të lidhur. Sipas ish-presidentit të Real Madridit, Calderon, largimi i Zidane erdhi pasi francezi donte të shiste Balen dhe jo Ronaldon.
“Zidane këmbënguli që të mos shitej Cristiano, por Gareth Bale”, ka thënë fillimisht Calderon për gazetën AS. “Në vend të kësaj, Perez bëri të kundërtën. Zidane donte të kishte fuqi vendimmarrëse në nënshkrimin dhe shitjen e lojtarëve, por u injorua, kështu që ai vendosi të largohet. Zidane mori vendimin e duhur”, përfundoi ish-presidenti i Real Madridit.
