Ish-presidenti i Ferrarit jep lajmin e madh rreth Shumakerit

Ish-presidenti i Ferrarit, Luka di Montexemolo, në një intervistë për Rai Sport, uron “kokëkuqen” për këtë vit të ri, duke i uruar suksese në këtë kampionat që pritet të fillojë, por gjithashtu flet edhe për Majkëll Shumakerin, i cili prej 5 vitesh gjendet në krevat, prej dëmtimit që pësoi duke bërë ski në 2013.“I uroj Ferrarit dhe Vetelit që këtë vit të fitojnë, të kenë një makinë kompetitive. Duhet të rikthehemi tek fitoret. Gjithashtu duhet të përkrahim. Shumaker? Shpresoj që diçka e mirë do i ndodhë, sepse e dua atë njeri, por për momentin nuk mund të them më shumë. E di se sa shumë vuan Majkëlli, ka kaq shumë përkushtim dhe një familje të mrekullueshme përreth.” – shprehet Montexemolo.