Pas ngjarjes së rëndë që ndodhi dje në Tiranë, ku u vranë mizorisht burrë e grua, ka reaguar Nevila Mataj. Kjo e fundit u kushtuar prindërve fjalë prekëse, të cilët ia vrau mizorisht ish-partneri i saj me të cilin jetonte prej vitesh.
Ngjarja makabre ndodhi dje në zonën e Unazës së Re, ku Majlind Lila qëlloi me pistoletë mbi Bujar dhe Valentina Mataj, të cilët për pasojë humbën jetën.
Nevila Mataj ka shprehur dhimbjen e saj nëpërmjet disa postimeve, ku thekson se nuk mund të vijë në Shqipëri dhe t’i shoh prindërit e saj, pasi nuk ka guxim.
“Nuk mundem të vij. Nuk ju shoh dot në sy. Çfarë t’u them që shpëtova veten dhe ju vrava ju. Duhet të isha unë në vendin tuaj. Unë e futa atë të sëmurë në jetën tuaj. Çfarë do ju them kur tu shoh. Pse nuk ju mbrojta dot? Pse mendova vetëm për vete Pse…”, shkruan Nevila.
Ndërkohë, pak orë më parë ajo ka shkruar edhe një tjetër status, ndërsa kërkon ndjesën e vëllait.
“Si ju vrava unë ju gjëja ime më e shtrenjtë. Më fal vëlla me falni të gjithë”, thuhet në mesazhin e dytë.
