Ish-ministri i Bujqësisë, Edmond Panariti ka dhënë sot alarmin teksa shprehet se po cenohet siguria kombëtare. Në një postim në Facebook, Panariti shkruan se ka më shumë se 9 muaj që mungon sinjali GIS i sistemit Bluebox në anijet tona të peshkimit për shkak të mospagesës së kontraktorit.
Ish-ministri shkruan se në këtë mënyrë rritet rreziku i trafiqeve të paligjshme, si dhe krijohet evazion i rëndë fiskal.
Postimi i Panaritit:
Nuk ka smartphone dhe automjet te dekades se fundit qe nuk gjurmohet dhe identifikohet ne çdo cast per pozicionin e tij kudo ne bote me perjashtim te anijeve te flotes tone te peshkimit. Ka me shume se 9 muaj qe mungon sinjali GIS i sistemit Bluebox ne anijet tona te peshkimit per shkak te mos pagese se kontraktorit. Cfare po ndodh? Cilat jane pasojat? Separi, po cenohet siguria kombetare, sepse rritet rreziku i trafiqeve te paligjshme perfshire dhe ai i narkotikeve, me mjete te cilat nuk gjurmohen dhe zbulohen. Sedyti evazion i rende fiskal nga mungesa e raportimit te veprimtarise ekonomike te peshkimit dhe cenim i rende i statistikave te sektorit duke na vendosur ne disavantazh te thelle ne negociatat dhe financimet nga Bashkimi Evropian. Mos harroni qe jemi nder vendet e para qe perkrah Shteteve te Bashkuara, nenshkruan dhe ratifikuam marreveshjen e masave portuale per ndalimin e peshkimit dhe trafiqeve te paligjshme dhe partneret tane strategjike presin rezultate dhe jo fjale.
