Ish-presidenti i organizatës politike OMONIA, Leonidha Papa , që përfaqëson pakicën greke të Epirit të Veriut në Shqipëri, ka folur për vrasjen e Kostandin Kaçifas. Në një rrëfim për median greke “protothema.gr”, ka ngritur një alibi për ngjarjen. Madje media greke, fjalë e tij e merr si të mirëqenë dhe e cilëson si dëshmi. Ai thotë se policia shqiptare ka qëlluar me armë nënë e të ndjerit. Sipas tij ky gjest ka ndodhur gjatë kontrollit që është bërë në banesën e Kaçifas në Bularat.
“Kostandini çdo vit dilte në shesh të fshatit me një flamur shumë të madh grek. Ai që fëmijë e tregonte shumë patriotizmin e tij. Ai donte ta tregonte fort identitetin e tij dhe çdo vit ai e vendoste atë flamur të madh. Pra, në mëngjes kur doli kishte parë disa policë. Ai e kuptoi se policia shqiptare kishte hequr flamurin nga pika që e kishte vënë çdo vit. Ai ishte irrituar, dhe kishte pasur një përplasje verbale me policinë. Një nga oficerët e policisë i kishte drejtuar armë. Ai ishte çmenduar nga ky gjest. 35-vjeçari kishte marrë armën e tij dhe kishte qëlluar në ajër. Këtë gjest e kishte bërë në shenjë kërcënimi. Ai nuk kishte ndërmend të vriste askënd. Nëse donte të vriste, ai mund të vriste por nuk kishte dashur”, tha Papas.
Dy versione
Më tej shtoi: “Më pas ai shkoi në fshat për t’u fshehur. Ai shkoi në një strehë të braktisur për t’u fshehur. Policia shqiptare po e kërkonte atë. Ai kishte pritur që të vinte mbrëmja dhe të lëvizte nga aty. Për fat të keq, ata e gjetën atë. Ajo që ata thonë në fshat është se për një orë ata dëgjuan të shtëna, dhe askush nuk mund të afrohej. Ka dy versione. I pari që policia shqiptare i kërkoi atij që të dorëzohej, por ai refuzoi, ndërsa më pas mbaruan të shtënat ai doli dhe tha “Rroftë Greqia” duke zgjedhur vdekjen pa dorëzim. Ndërsa versioni i dytë është që policia shqiptare e ka vrarë dhe më pas ka bërë të dukej sikur pati përleshje dhe shkëmbim zjarri. Fatkeqësisht nuk mund ta dimë të vërtetën”.
“Kam folur me prindërit e tij. Më thanë se policia shqiptare e kërkonte. Policia shqiptare kishte shkuar në shtëpinë e familjes në Bularat ku kishte bërë kontrolle. Ata e kishin kthyer shtëpinë përmbys. Madje policia nuk kishte goditur dhe nënën e tij me qytën armës”, tha Papas.
“Konstandini ishte babai i një vajze 13-vjeçare. E vërteta është se ai ishte divorcuar dy vjet më parë. Ai ka punuar si farkëtar në alumin. Ai ka punuar edhe në Greqi edhe në Shqipëri “përfundoi ai.
Burimi: protothema.gr/Përshtati: Tirana Today
