Koreja e Veriut do të jetë në gjendje të godasë Britaninë me raketë bërthamore brenda 20-muajsh. Ky është paralajmërimi që ka bërë ish-komandanti i forcave britanike, gjenerali Sir Richard Barrons.
Sipas tij, shkurtimi i buxhetit të mbrotjes ka krijuar “rreziqe ekzistenciale” në Britani të Madhe, të cilat forcat e armatosura nuk do të ishin në gjendje t’i përballonin. Gjithashtu ai shtoi se mbrojtja është e pafinancuar dhe sa më pak burime, ekziston rreziku i një sulmi të huaj.
Ish-komandanti i forcave britanike theksoi se kërcënimet gjithnjë e në rritje ndaj Britanisë së Madhe, duke përfshirë Korenë e Veriut dhe Rusinë, forcat britanike nuk mund të reagojnë.
“Përballemi me kërcënimin rus, por ndërkohë Koreja e Veriut brenda 20 muajve të ardhshëm do të jetë e gatshme të përdorë një raketë balistike me rreze interkontinentale që mund të arrijë deri në Londër. Ndërsa ne nuk mund të mbrohemi ndaj këtyre rreziqeve”, tha gjenerali.
Madje Sir Richard Barrons ia bëri të qarta komentet e tij edhe kryeministres së Britanisë së Madhe, Theresa May, gjatë një takimi që pati së fundmi me të, duke i thënë se shkurtimet për mbrojtjen kanë bërë atë të thyeshme.
