Ish-sulmuesi i Real Madrid dhe PSG, Jese Rodriguez do të luajë deri në fund të këtij sezoni për Betis në La Liga. Spanjolli u ble nga klubi francez për 25 milionë euro, por kurrë nuk mundi të hynte në formacionin titullar të kampionëve të Francës.
Jese ka luajtur i huazuar edhe te Stoke, por ka më shumë se një vit që nuk luan një ndeshje të plotë. Sulmuesi ishte duke kaluar një formë mjaft të mirë në Madrid, por më pas gjithçka ndryshoi dhe me kalimin në Francë filloi rënia e tij. Jese ka pasur probleme me ish-të fejuarën pas ndarjes, me të cilën kishe edhe një fëmijë i cili kishte lindur me probleme.
Aurah Ruiz, ishte bashkëshortja e sulmuesit spanjoll e cila filloi të fliste në gazeta dhe akuzonte Jese se ai nuk po përgjigjej për detyrimet financiare që kishte nda fëmijës. Kritika pafund vërshuan në drejtim të futbollistit dhe këto bënë që edhe forma e tij sportive të vinte në rënie.
