E ëma e djalit të tij të dytë, Maria Angeles Pineda e ka denoncuar se Samuel Eto’o nuk po paguan detyrimet që ka për djalin e tij. Ish-futbollisti i Barcelona, Inter e Chelsea tashmë do të përballet me një betejë ligjore për këtë çështje.
Pineda këmbëngul se futbolli kamerunas i detyrohet 16.400 euro. Beteja ligjore ka nisur në vitin 2003, kur Gjykata e Majorkas, i dha asaj të drejtën për mbajtjen e të birit dhe vendosi që Eto’o duhet t’i jepte 3000 euro në muaj, derisa fëmija të mbushte 16 vjeç, aktualisht është 15 vjeç.
Që nga muaji prill, Eto’o nuk ka bërë më asnjë pagesë. “Më është dashur të bëj një foto të llogarisë time bankare për t’ia nisur avokatit, sepse as ai nuk e besonte që kisha vetëm 20 euro të depozituara”, shkruan telesport.
Pineda thotë se Eto’o e ka takuar djalin vetëm disa herë gjatë vitit dhe se në muajin maj e kishte akuzuar se i kishte thënë djalit të harronte të atin. “Herën e fundit që e çova për takim nuk e la as të futej në shtëpi. E tmerrshme,” – tregon Pineda.
