Në formë unanime, Parlamenti iranian me 270 vota pro dhe asnjë kundër, ka votuar për shpalljen e Jerusalemit si “kryeqytet të përjetshëm të Palestinës”.
Organi ligjvënës i Iranit i është kundërpërgjigjur Presdidentit Donald Tramp për njohjen e Jerusalemit si kryeqytet të Izraelit dhe paralajmëroi se do ta zhvendosë ambasadën amerikane nga Tel-Avivi në qytetin e shenjtë.
“Kjo është përgjigjja jonë e vendimit të paradokohshëm të SHBA-së që ta shpallë Jerusalemin kryeqytet të Izraelit, duke dashur që t’i japë një goditje myslimanëve”-theksoi Ali Larixhani, kryetar i Parlamentit iranian.
Izraeli dhe Jordani e ndanë Jerusalemin në vitin 1948 ndërsa armata izraelite e pushtoi tërë qytetin, duke përfshirë edhe pjesën e vjetër historikisht të rëndësishme të Jerusalemit, më luftën 6-ditore në vitin 1967.
Izraeli e konsideron Jerusalemin kryeqytetin e tij, derisa palestinezët kërkojnë pjesën lindore të qytetit që t’i përkasë atij, gjatë një vendimi të ardhshëm paqësor, dhe të jetë kryeqytet i shtetit palestinez.
