Edhe pse protestat kundër hixhabit vazhduan në Iran dhe u përhapën në Afganistan, një grua iraniane e quajtur Donya Rad u arrestua, pasi kishte ngrënë mëngjes pa veshur hixhab të premten.
Informacioni u shpërnda në Twitter nga gazetarja dhe aktivistja iraniane Masih Alinejad, në postimin e të cilit shkruhej: “Gruaja që postoi këtë foto u arrestua për krimin e ngrënies së mëngjesit pa hixhab! Kjo është historia e tmerrshme e të qenit grua në Iran në shekullin e 21-të.”
My beautiful brave friend Donya Rad posted this photo yesterday and got arrested and sent to notorious Evin prison today.
Her crime? Having breakfast wearing normal clothes!
Why 80 million people are outraged? We have been stripped off freedom and normal life. #MahsaAmini https://t.co/qhBHsnT5sk
— Sara Peymanpour (@sarapeymanpour) September 29, 2022
“Emri i saj është Donya Rad. Gratë do të vazhdojnë çdo ditë mosbindjen e tyre civile”, shtoi postimi i saj.
Protestat vazhduan në disa qytete anembanë Iranit, kundër vdekjes së 22-vjeçares Mahsa Amini në paraburgim nga policia, e cila u arrestua në fillim të këtij muaji në Teheran për “veshje të papërshtatshme” nga policia e moralit që zbaton kodin e rreptë të veshjes së Republikës Islamike për gratë.
Të paktën 83 persona janë vrarë në gati dy javë demonstrata, sipas një grupi të të drejtave të njeriut.
Me origjinë nga qyteti kurd iranian Saqez, vdekja e Amini ka ndezur shfaqjen e parë të madhe të opozitës në rrugët e Iranit, që kur autoritetet shtypën protestat kundër rritjes së çmimit të benzinës në vitin 2019.
Republika Islamike e Iranit kërkon që gratë të mbulohen në publik, duke përfshirë mbajtjen e një “hixhabi” ose shamie që supozohet se fsheh plotësisht flokët.
Burimi i lajmit: firstpost. Përshtatur nga Tirana Today
