Një këshillë për të gjithë ata që do vrapojnë për të blerë iPhone X, i cili kushton 1,000 dollarë: Mos e rrëzoni.
iPhone X, i cili plotëson raftet e dyqaneve më 3 nëntor, është telefoni më i shtrenjtë i Apple. Edhe riparimet janë shumë të shtrenjta.
Një ekran i thyer do t’ju kushtojë 275 dollarë për tu riparuar, sipas kostove të postuara në faqen e internetit të Apple. Këto çmime të riparimit ulen nëse aplikoni për AppleCare + , një program garancie që shton 199 dollarë.
AppleCare + mbulon vetëm dy raste të dëmtimeve aksidentale. Nëse e dëmtoni aksidentalisht telefonin tuaj për herën e tretë, kostoja e riparimit të pajisjeve mund të shkojë deri në 549 dollarë. AppleCare + jep garanci bazë për situatat aksidentale të iPhone -it, siç janë bateria ose vendosja e kufjes në vend të gabuar, për rreth dy vjet.
iPhone X u prezantua muajin e kaluar. Ai krenohet me përditësimin radikal të modeleve të iPhone të viteve të kaluara, me ekran të qelqtë dhe zhbllokimin me anë të njohjes së fytyrës. Pjesa e pasme është e gjitha prej xhami kështu që i zoti rrezikon ta thyejë telefonin në të dy anët.
Megjithatë, xhami i iPhone 8 dhe iPhone X është shumë më i fortë se modelet e mëparshme, kështu që është më e vështirë për t’u thyer. (TIRANA TODAY)
