Interi do të përballet të martën me PSV-në dhe për teknikun Luciano Spalletti kjo cilësohet si ndeshja më e rëndësishme që nga momenti që ai është ulur në stolin zikaltër. Skuadra e tij duhet të mposhtë me çdo kusht PSV-në dhe të shpresojë që Tottenham që mos fitojë përballë Barcelonës, për të siguruar kalimin në 16 më të mirat e Champions League.
“Shpeshherë nuk arrijmë të ruajmë përqendrimin për 90 minuta dhe kur ndodh kjo gjë, kundërshtarët e shfrytëzojnë,” shprehet trajneri në konferencën për shtyp.
Ekipi është mirë. Juventus dhe Tottenham janë dy skuadra të mëdha, njëra ka 10 vite që fiton, tjetra arriti deri në çerekfinalet e Champions League sezonin e kaluar. Luajtëm si të barabartë ndaj Juve-s, por kemi lënë pikë ndaj Parma-s dhe Atalanta-s. Te Barcelona punojnë njerëz seriozë. Gabimi ynë i vetëm është nëse fokusohemi te ndeshja e tyre.
Duhet të mendojmë të fitojmë për veten tonë, ndaj një ekipi që ishte në vazon e tretë, ndërsa ne në të katërtën. Kjo është ndeshja më e rëndësishme që kur kam ardhur tek Inter, madje më e rëndësishme se ajo ndaj Lazio-s sezonin e kaluar.”
