Lazio u mposht të dielën në “Olimpico” nga Interi me rezultatin 2-3 dhe për pasojë kanë mbetur edhe jashtë Champions League. Kjo ka bërë që lojtarët e Lazios të kryqëzohen pas kësaj sfide dhe nuk i ka shpëtuar as Strakosha. Madje ai ka qenë në qendër të kritikave duke u vlerësuar edhe me nota mjaft dëshpëruese.
“Eurosport” e vlerëson me një notë të ulët, 5.5 duke shkruar: “U mposht 3 herë dhe në rastin e golit të dytë ka faj për mënyrën se si e largoi topin nga zona duke ua dhënë kundërshtarëve. Jo mirë”.
“Roma Today” e vlerëson Strakoshën me notën 5.5. “Shqiptari, pas një ndeshje ndeshjeje të mirë me Atalanta u paraqit keq në ndeshjen me Crotone. Kritikat e vendosën në vështirësi përpara ndeshjes me Interin dhe për këtë shkak tifozët e inkurajuan përpara takimit në “Olimpico” për ta karikuar.
I kujdesshëm te disa goditje të Vecino dhe Candreva, por i pasigurt në golin e D’Ambrosio ku fillimisht priti mirë, por më pas u ngatërrua. Gaboi edhe në mënyrën e rinisjes së topit në rastin që pasoi me penalltinë e Interit” – shkruan “Roma Today”.
“Lazionews24”, një portal pranë klubit bardheblu e vlerëson me një notë edhe më të ulët, 5 duke shkruar: “Pak reagues në golin e parë të Interit. Gabon në rastin e penalltisë”.
