Rënia e Interit në muajin e fundit ka ngritur në këmbë drejtuesit. Pasi Spalletti ishte i qartë që ka nevojë për përforcime dhe se i duhet të paktë një lojtarë për çdo repart. Walter Sabatini është në fakt në Kinë ku, në prag të paraqitjes së Jangsu Suning, ai synon të marrë nga z.Zhang miratimin për të ecur përpara, për të operuar në merkaton e janarit me Interin.
Sipas njoftimeve të “Il Corriere dello Sport”, lajmi i mirë vjen nga ana e Deulofeu, i cili tashmë ka thënë “po” për propozimin e Interit dhe pret që klubi italian të arrijë një marrëveshje me Barcelonën. Skuadra katalanase, pas blerjes së Coutinhos nuk duhet të nxjerrë shumë probleme për ta shitur lojtarin e mëparshëm të Milanit edhe për shkak se sulmuesi spanjoll nuk është më pjesë e planeve të trajnerit Valverde.
Por mbetet për tu diskutuar mënyra se si do të kryhet ky operacion, pasi Interi nuk ka ndërmend të thyej ‘ligjet’ dhe të cenohet sërish nga “fare-play financiar”. Nga ana tjetër Barcelona do të preferonte më shumë që ta shiste lojtarin, ose ta dërgonte në huazim me obligim blerje, pas nënshkrimit me Coutinho. Por në të njëjtën formulë pritet që të afrohet edhe mesfushori brazilian Ramires nga Jiangsu në Kinë. Një emër tjetër lidhet me Interin nga Barcelona, është Rafinha i cili pas dëmtimit nuk gjeti më hapësirë tek katalanasit dhe mendon seriozisht largimin.
