Diçka është krisur tek zikaltërit e Interit që deri në datën 9 dhjetor kishin një supremaci në statistika që i etiketonte ata si surprizën më të bukur të Serisë A. Por humbja në Kupën e Italisë ndaj Milanit që përkon të jetë e treta disfatë radhazi pas atyre me Udinesen dhe Sassuolon shton pikëpyetjet se çfarë po shkon keq me këtë skuadër. Interi tani është vërtet në krizë.
Ajo që shqetëson më shumë Interin është sulmi. Në 5 ndeshjet e fundit zikaltrit kanë shënuar vetëm 1 gol, ai in Icardit ndaj Udinezes që tregon handikapin e kësaj periudha në këto ditë të fundit. Perisic nuk është konstant përpara portës dhe nuk është në formën më optimale. Candreva, këtë vit nuk po sjell asgjë, ndërsa edhe mesfusha nuk po jep aq sa duhet.
Por për fatin e tij të mirë, Spalletti nuk ka shumë kohë për të qarë këtë eliminim nga Milani në Kupën e Italisë. Të shtunën është ndeshja me Lazion në “San Siro”, që konsiderohet si sfida direkte për të blinduar një prej vendeve të zonës Champions. Nëse Interi fiton, bilanci për këtë pjesë të parë do të jetë gjithsesi pozitiv për Interin, në rast të kundër gjithë puna e bërë për 3 muaj do të hidhet poshtë në harkun e 20 ditëve, aspekt ky të cilin Spalletti nuk dëshiron aspak ta çojë nëpër mendje.
