Pavarësisht se merkato është mbyllur, “telenovela” Modric-Inter vazhdon. Tashmë duket se e gjitha është kthyer në një “fiksim” për kroatin i cili kërkon me çdo kusht që në janar të fluturojë drejt Milanos. Siç raporton “SportMediaset” në Itali, ka qenë vetë kroati që i ka komunikuar shokëve të tij në kombëtare, që kërkon të kalojë që në janar tek Interi.
Më 9 shtator Luka festoi 33-vjetorin me shokët e kombëtares dhe gjatë festës mësohet se i ka komunikuar bashkëkombësve që ka tek Interi, se do të transferohet në Milano, pa pritur fare për verën e ardhshme.
Interi kërkoi që ta merrte edhe në këtë merkato Modriçin, duke qenë se edhe ky i fundit kishte dëshirë për një operacion të tillë, por ishte vetë presidenti i Realit, Florentino Perez, që e quajti të mbyllur këtë çështje, dhe nuk e lejoi kalimin e tij.
