Interi është duke kaluar një formë mjaft të dobët në javët e fundit, pavarësisht se nisja e kampionatit ishte meritë kampioni. Por pavarësisht formës së dobët, përballë Crotones zikaltërit do të kenë një mungesë mjaftë të rëndësishme. Situata për Nerazzurët ka shkuar nga keq, në edhe më keq.
Pas barazimit ndaj Spalit, Mauro Icardi ka pësuar një dëmtim muskulor, i cili do ta lë atë jashtë ndeshjes ndaj Crotones, derisa të kryhen ekzaminimet tjera. “Mauro Icardi është dërguar për ekzaniminme në spitalin e Rozzzanos ku atij i është gjetur një zgjatje e muskulit të kofshës së djathtë. Data e rikthimit të kapitenit zikaltër do të caktohet në ditët në vijim”, thuhet në një komunikatë të Interit.
Icardi ka qenë subjekt i spekulimeve për një kalim te Real Madridi, një transferim që megjithatë nuk do të realizohet,ai mbetet top golashënuesi i Interit këtë sezon.
