Mesut Ozil verën e ardhshme i skadon kontrata me Arsenal dhe shumë ekipe janë interesuar për të nënshkruar me lojtarin. Interes të madh ka shfaqur skuadra e Interit për fantazistin gjerman. Pasi mesfusha e Spalletit nuk është në lartësinë e duhur për të sjellë vazhdimësi në Serie A.
Ozil nuk ka pranuar të rinovojë kontratën me ‘Gunners’ dhe largimi i tij nga klubi londinez është e paevitueshëm. Tekniku Wenger po kërkon të përfitojë nga ky largim duke mos e lënë si transferim të lirë në verën e ardhshme. Arsenal kërkon të përfshijë në marrëveshje me Interin mesfushorin Joao Mario, i cili u bashkua sezonin e shkuar me zikaltërit. Mario cilësohet si i paprekshëm tek Inter dhe drejtuesit kanë refuzuar çdo kontakt për të bërë një marrëveshje të tillë. Portugezi shkëlqeu edhe me kombëtaren në ‘Euro 2016’, ku ishte lojtari më deçiziv në finalen e madhe mes Portugalis e Francës, e cila u fitua nga ekipi i tij.
Martin Koewn ish lojtarë i Arsenal e komenton situatën në ekip në këtë mënyrë: “mendoj se Wenger është duke humbur dy nga lojtarët më të mirë në ekip Sanchez dhe Ozil. E gjithë situata e mos rinovimit të kontratave ka sjellë edhe humbjen e besimit të trajnerit tek lëta lojtarë. Vihet re qartë pasi Ozil ka qëndruar në stol në disa ndeshje dhe nuk ka qenë i pranish, në fazën përgatitore të ekipit.”
Është e qartë që Arsenal do të provojë ta shesë Ozil-in që në merkaton e janarit pasi nuk dëshiron të dalë duarbosh nga largimi i tij. Por klauzola që do ti vendosin mbetet për tu parë pasi ekipet nuk janë të gatshme të paguajnë shumë, pasi lojtari në verë mund të merret si transfero i lirë. Kjo pasi lojtari ka edhe një rrogë të lartë. /Tirana Today/
