Pas përforcimeve të Milanit edhe Interi me padurim po pret të unifikojë dhe përforcojë skuadrën. Kampionët e Italisë me në krye trajnerin e tyre Luciano Spallettin po vonojnë në goditjet e tyre pasi interesohen për lojtarë të një kalibri të lartë dhe nuk duan të nxitohen për të bërë gabime që më pas mund të pendohen.
Në listë për mesfushën është belgu i Romës Radja Nainggolan i cili do përforconte shumë zi kaltrit, por së fundmi sipas “mediaset” dhe gazetës spanjolle “AS” drejtori sportiv i Interit Valter Sabatini është hedhur në sulm për të transferuar gjermanin e “Los Blancos” Toni Kroos. Ylli i madrilenëve është një nga pikat kyçe të ekipit të Zinedin Zidan dhe për këtë arsye do jetë tepër e vështirë për t’a shkëputur, por sipas një deklarate të Sabatini-t “Inter po kërkon lojtarë të këtij kalibri dhe nuk do të ishte çudi”.
“Po kërkojmë lojtarë që është shumë e vështirë t’ia marrësh skuadrave kundërshtare sepse janë ndër më të mirët që ata kanë. Lojtarët që blihen brenda ditës, merren sepse ka diçka që nuk shkon,” tha Sabatini.
Ndërkohë që edhe Juventus e Manchester United janë janë mjaft të interesuara për Toni Kroos.
