Në kuadër të mbylljes së shkollës verore evropiane të këshillit të integrimit në BE, eurokomisioneri Johannes Hahn ka folur mbi integrimin e Shqipërisë në BE.
Hahn përcolli një mesazh për shqiptarët, teksa tha se të bëhesh anëtar i BE-së është zgjedhje politike e sociale për të cilën duhet punë dhe reforma të vazhdueshme.
Gjithashtu, Hahn e vuri theksin të dialogu ndërmjet të gjitha palëve të shoqërisë si një pikë kyçe për integrimin evropian të vendit.
Ai tha ndër të tjera se është me rëndësi që Shqipëria të ketë një qeveri të përgjegjshme.
MESAZHI I HAHN:
Të dashur miq,
Këtu nga Brukseli do doja t’ju përshëndesja dhe t’ju uroja për një javë të suksesshme shkollës verore europiane të këshillit të integrimit në BE. Të bëhesh anëtar i Bashkimit Europian është një zgjedhje fondamentale politike dhe sociale. Është një çështje identiteti, si dëshironi modelin në jetën dhe shoqëria tuaj, Zgjedhja për tu bërë anëtar i Bashkimit Europian është ajo që ju shqiptarët e keni patur për dekada.
Sidoqoftë, kthimi i aspiratave politike në ndryshime konkrete dhe në cilësi të përmirësuar jetese, paqe, dinjitet, dhe prosperitet është gjithmonë shumë komplekse dhe kërkuese. Kjo arrihet përmes punës së palodhur, reforma të vazhdueshme si dhe dialog ndërmjet të gjitha palëve të shoqërisë.
Kjo është detyra juaj. Përgatitja për të luajtur një rol të rëndësishëm në procesin e anëtarësimit. Duhet të gjeni zgjidhje, duhet të sigurinë përgjegjshmërinë e qeverisjes, jo vetëm për të sjellë Shqipërinë më afër ndaj standarteve europiane por ta bëni BE një realitet për çdo qytetar në vendin tuaj.
Vendosmëria dhe ekspertiza juaj do të jetë shumë e nevojshme pas një viti intensive reformash dhe zgjedhjesh. Ju do keni një qeveri të re dhe parlament të ri dhe në ditët në vijim. Presim me padurim për këtë dhe mundësitë para nesh.
Faleminderit që aplikuat dhe morët pjesë në shkollën verore europiane dhe urime Këshillit për punën e tyre të çmuar dhe angazhimin e tyre. Ju keni një shans unik për të qenë pjesë e ndryshimit transformues në vendin tuaj.