Në tremujorin e dytë të këtij viti më shumë vizitorë kanë vizituar monumentet e kulturës si muze, kala apo parqe arkeologjike.
Shifrat bëhen të ditura nga Instituti i Statistikave (INSTAT), në raportin “Statistikat e Kulturës, T2 – 2017. Sipas INSTAT në 3-mujorin e II të 2017 u shënuan 186.207 vizitorë në monumentet e kulturës, nga 153.501 që ishin në të njëjtën periudhë të vitit 2016.
Numri i vizitorëve në muze në tremujorin e dytë 2017 është 56.375, duke shënuar rritje me 36,3 %, krahasuar me tremujorin e dytë 2016.
Në kala e monumente të tjera, numri i vizitorëve ka një rritje prej 24,3 %, midis tremujorit të dytë 2017 dhe të njëjtit tremujor në vitin 2016.
Në tremujorin e dytë 2017 numri i vizitorëve në parqe arkeologjike është 71.773, me një rritje prej 9,7 %, krahasuar me të njëjtën periudhë të vitit të mëparshëm
